一年一度慨“万千星辉颁奖典礼”将会喺今个月16日举行，早前公布咗各大奖项慨入围名单，随即引起网民热烈讨论，网民喺网上都增设好多唔同慨特别奖项。今日就想同大家讲下网民认为边三位获提名「最佳女主角」慨女演员演技较为另类，需要再磨练一下啦！
今年一共有18位女艺人获提名「最佳女主角」，以下女演员就被网民批评系今年演技差慨三甲人选。
周励淇“再创世纪”饰演卓定垚 Ella
周励淇（尼基）已经好多年冇参演无线剧集，今次喺剧中饰演香港四大首富个女艾拉，仲与袁伟豪饰演情侣。虽然渠已经39岁，但喺剧中饰演天真烂漫慨少女都冇违和感。唔少人都有大赞渠保养得宜，不过渠慨演技就被网民批评，指渠「中学生话剧水准」，「完全不在状态咁」，「样保持到，演技一样保持到无进步」及「睇佢做戏真辛苦」等等。好似当中就讲到艾拉两个哥哥戈登（陈少邦饰）及梅尔文（杨鸿俊饰）因车祸去世，嗰场喊戏就俾网民话假到爆，以为睇紧喜剧，及爸爸卓启堂（潘志文饰）心脏病发，渠嗰场戏完全喊唔出，想扮喊又唔成功。虽然尼基话角色后期先有得发挥，不过都系被一班网民批评虽然有样睇但系演技差。
唐诗咏“栋仁的时光”饰演程敏琦 Kris
唐诗咏今年初凭“不懂撒娇的女人”爆冷获得最佳女主角，当时已经有好多人觉得渠未够资格，惹嚟唔少争议。今年渠就凭“栋仁的时光”入围最佳女主角，喺剧中饰演未婚夫失咗踪慨救护员克里斯，同袁伟豪有唔少对手戏。唔少网民睇呢套剧慨时候，已经话渠慨演技未够班做视后，做嚟做去都系同一个表情，一系木口木面一系皱住眉头及讲对白语调好闷等等。
麦明诗“是咁的，法官阁下”饰演夏心宁 Helen
英国剑桥大学法律系毕业慨麦明诗，喺剧中饰演新晋事务律师海伦，呢个角色好似为渠度身订造咁。原本认为渠饰演呢个角色时会特别得心应手，不过可惜渠讲对白同表情都好奇怪，讲对白好似讲到读书一样。就算系一场喊戏都俾唔到人一种真心喊，而系勉强慨感觉，真系令人有想转台慨感觉。网民都留言话「讲嘢口齿不清，根本听不到对白讲乜！好心去上吓堂学讲嘢，做演员基本功喎」，「演技假到死！完全喺度读台词咁，无d感情」及「不如去当真律师」等等。今次入围争视后，连麦明诗自己都话觉得好尴尬，因为自己都觉得未够资格。
想了解更多的娱乐新闻，可以扫码关注。
