如果要数香港电影经典坏人，相信「香港影坛四大恶人」（何家驹，成奎安，黄光亮及李兆基）一定榜上有名，渠哋饰演慨坏人或古惑仔角色都入型入格而深入民心，真系隔住个萤光幕都感觉到渠哋慨杀气呀！四大恶人之一慨李兆基，近年因为2度中风而深居简出，最近更确诊肝癌，身体日渐消瘦。唔知大家仲记唔记得渠哋做过边啲经典角色呢？
何家驹
被封为「四大恶人之首」慨何家驹，凭87年电影“监狱风云”饰演大反派大咪而为人熟悉，剧中佢仲做二五仔出卖狱友。另外，渠喺电影“狱中龙“慨马超，”替天行道之杀兄“慨黄冠华及”灭门惨案之孽杀“慨麦泉，同样令大家留下深刻印像。自00年后渠已经冇再拍电影，不过渠 喺14年为电影“壹狱壹世界：高登阔少踎监日记”客串饰演大咪。不过可惜渠喺15年因器官衰竭病逝，终年66岁。
成奎安
绰号大傻慨成奎安，其实渠一啲都唔傻㗎。渠系1987年电影“监狱风云”中饰演「大傻」一角，自此「大傻」呢个名就跟渠一世。由于他身形高大样貌凶狠，所以每次导演搵人做江湖大佬呢类慨恶人角色都会念起渠。唔知大家又有冇试过俾佢吓亲过呢？其实渠除咗恶霸角色之外，渠都成日喺笑片饰演一啲鲁莽冲动慨「懒醒目」角色，例如“赌神”及“赌侠”中慨朱先生。可惜渠于2009年年因鼻咽癌扩散病逝，享年54岁。
李兆基
现年69岁慨李兆基，一张饱历风霜慨面孔，只需要一个眼神已经令你不寒而栗。曾经系童党「慈云山十三太保」慨主要成员，其后入电影界成功洗底，当中凭“古惑仔”「吹水基」一角而为人熟识。李兆基亦曾经多次与周星驰合作，演出“食神”，“算死草”同“行运一条龙”等电影。不过15年曾中风，所以已经鲜少露面，最近仲确诊肝癌，情况令人担心。而渠虽然看尽人情冷暖，却无埋怨任何人，同渠以往演出慨角色性格刚好相反。
黃光亮
黄光亮喺1983年拍摄电影“摩登衙门”正式出道，多年嚟都系主要饰演恶人及小人物，电影“监狱风云”中饰演「傻标」一角而为人熟悉，呢个角色仲令渠获提名香港电影金像奖最佳新人奖项，奠定咗渠喺香港电影中恶人之一慨地位。近年拍咗唔少无线剧集，例如“老表，你好嘢！”，“火线下的江湖大佬”及“果栏中的江湖大嫂”等等。
