张秀文黐家姐住 穷剩$56.4
发布于：2017-02-23 来源：太阳网
现年29岁的张秀文，2010年当选港姐亚军入行至今，年前凭34D上围演出无綫旅游节目《3日2夜》及游戏节目《超强选择1分钟》打出名堂，之后更获导演王晶睇中， 成为新一代「晶女郎」。秀文几乎每次出席活动都不吝啬晒身材， 目的是希望凭「咪神」之名搵银，有名有利方可一洗之前霉爆生活。
收入少 唔使供强积金
秀文在无綫真人骚节目《有楼万事足》道出时下新一代为楼疯狂，生活在「纳米之都」香港要为买楼所承受的压力，作为香港一分子的她亦感同身受：「呢个社会好多愤青、多怨言，我都理解，香港咁细，住咁细面积，系会令人内心好压抑。眼见楼价咁高，努力一生为层楼付出青春，好多人觉唔值得。」
秀文坦言做艺人都是打工，但收入不稳定，要储钱买楼比打工仔更难。她自爆曾经试过霉到银行户口只剩$56.4：「艺人好似做好多活动搵好多钱，但我的其实支出好多，唔似打工仔有固定收入可以储钱，知道几时达标。（有冇储过钱？）有，即使储到十万，到拍剧可能有三、四个月冇机会做活动搵外快，或淡季冇乜收入，我就要靠之前储埋嘅钱，灭灭吓嚟过活。」
秀文当选港姐后即加入无綫，开头三、四年都要捱，人工约数千元，少到不用供强积金。她慨叹做艺人又要买衫装身，故试过借贷度日：「开头几年都系贴钱返工，捱到就嚟要借钱，去到最边缘，银行户口剩番两位数$56.4，最后连卡数都找唔到！贷款周转两、三个月都试过，到公司出粮就即刻找数。」
万四蚊租400迟单位
不过秀文苦干七年，终凭34D咪咪打响名堂，总算捱到有能力以14,000元租住将军澳一个400多迟单位，虽然未有能力「上车」买楼，但秀文已经很开心有私人空间。她忆述当年从马鞍山公屋搬出市区返工，生活成问题，冇钱租屋要寄居在姐姐家中：「以前一路住公屋，跟父母同住，每月千几蚊租好舒服，以前觉得唔需要买楼。到人大左，工作需要搬出嚟住，喺家姐度瞓，都系瞓佢个女间房张儿童床或者瞓梳化，唔够长要屈埋双脚嚟瞓。（悭得咁紧要？）系呀，嗰时搭的士都要储钱！出镜嘅衫裙，都系家姐帮我喺淘宝用一百几十蚊买嚟出镜用。」
