404错误
韩国男团EXO前晚开始，一连两晚喺亚博馆举行「EXOPLANET #3 – The EXO’rDIUM–in HONG KONG」演唱会，噚晚举行尾场，成员依旧唱足近40首歌，不过可能因为讲野时间短左，尾场比首场早左近半小时完骚，唱足三小时就急急离场赶飞机。
噚晚尾场，EXO成员灿烈及中国成员Lay依旧有弹结他，Lay一样有孖Kai及世勋湿身晒舞技，另外其他成员亦有于表演期间湿身，Kai事后表示：「啲水好冻，我几乎呼吸唔到，希望下次可以啲水煲暖啲就好。」其实成员由前晚开始已透露觉得湿身环节好冻，唔知工作人员下次会唔会有改善？
Kai又笑言因为湿晒而要去换底衫，又透露每次开骚都要换两次，有带够底衫裤。不过队长Suho就被发现冇湿身，伯贤问佢系唔系唔落力跳舞，Suho即尴尬解释：「因为我冇带底衫嚟换。」伯贤就话下次可以唔著底衫，于是Suho承诺：「咁我下次湿多啲同唔着底衫裤。」Chen即时出声，话在场有年龄细嘅粉丝，叫成员唔好再讲呢啲。
另外，灿烈之前为人气剧《鬼怪》唱OST《Stay With Me》，佢噚晚于台上即兴清唱，伯贤就配合地扮剧「鬼怪新娘」金高恩，大叫「大叔」，而灿烈都扮「鬼怪」孔刘，做出开门去搵女主角嘅动作。
临完场时，Kai有走到台边跟粉丝握手，又用粉丝手机自拍。Lay话每次嚟香港都感慨万千，好多谢大家一直都咁热情，之后佢用周星驰电影嘅经典对白冧粉丝，表示如果要喺对粉丝嘅爱加上一个期限，佢希望系一万年。鬼马嘅伯贤又再次出招，即兴讲出《少林足球》嘅对白。另外，EXO亦承诺会再来港开骚
普通文章
推荐
普通文章
404错误
热门的新闻
普通文章
404错误
