巩俐、张靓颖、郎朗、吴亦凡出席走红毯 PIKO太郎收获超可爱小粉丝

第59届格林美颁奖礼今日于洛杉矶举行，唔止欧美音乐人踊跃参与呢个年度乐坛盛会，连中国嘅巩俐、张靓颖、郎朗、吴亦凡都有出席，而日本代表PIKO太郎都有现身红地毯。

由搞笑艺人古坂大魔王化身嘅PIKO太郎，凭住洗脑歌《PEN-PINEAPPLE-APPLE-PEN》（PPAP）热爆全球，今次佢以PIKO太郎一身招牌打扮High爆参与格林美颁奖礼及进行直播，日本WOWOW就派出长濑智也于当地报道场内盛况。PIKO太郎首次获邀出席国际级颁奖礼，不论系场地内外，其出现都吸引唔少观众上前集邮，尤其深受细路欢迎，为小fans即场表演PPAP及大合照，其间更有小妹妹揽住PIKO太郎双脚唔放，佢亦以古坂大魔王之身份喺Twitter上载片段，大讚一班小fans十分可爱