BIGBANG TOP崔胜铉同金俊秀于上周四入伍 军训生活全曝光
发布于：2017-02-13 来源：太阳网
韩国天团BIGBANG嘅T.O.P同埋男团JYJ成员金俊秀已于上周四正式入伍，粉丝见唔到Oppa 21个月，真系好鬼伤心。
而一众粉丝都好担心T.O.P入伍后嘅情况，为免一众粉丝担心，有细心嘅粉丝就做足research，调查T.O.P当兵后每日嘅生活会点过，当中粉丝真系做足资料搜集，喺韩国入伍后就要进行四周嘅训练，呢四周每日嘅时间都编排得密麻麻，当中因为0依家系冬季，所以时间上都会有唔同，据粉丝上载嘅资料显示，T.O.P每早6点半就要起身，之后就先会点名同体力训练，做完约30分钟运动后，先可以梳洗同食早餐。
食饱饱后，T.O.P就要为上堂做准备，随后就会于约早前9时开始上堂受训，大约维持成三个小时。到中午T.O.P可以用膳及休息1小时20分后，就要继续上三小时嘅堂，上完堂就要进行体力锻鍊。
到下午6时，T.O.P等人就有两个多小时嘅晚餐同埋休息时间，再进行一轮内务教育等等后，到晚上10时佢的先可以有休息时间，不过因为军中都冇特别娱乐，加上一日军队生活咁忙碌，所以佢的都会即刻快快就寝，争取时间休息。
