胡琳深水埗宣传新歌《愿望树》 称神秘男友圣诞节都会送礼物
发布于：2017-02-12 来源：太阳网
胡琳今日喺深水埗出席「共渡甜蜜情人节」，宣传新歌《愿望树》，佢透露呢首歌嘅成绩不错。讲到情人节快到，胡琳表示会同拍拖几个月嘅男友食饭庆祝，但就未有时间买礼物，有人提议佢将自己包住当礼物送畀男友？胡琳好大反应咁话：「唔系呀嘛，唔使咁大份礼呀，礼轻情义重喎，等我返屋企摷下有冇野送畀佢。」
提到胡琳前日生日，佢指当日要录音工作中渡过，问到男友有冇表示？佢话：「礼物都冇，不过我冇嬲，因为我对呢啲唔系特别太在乎，而且喺圣诞节都送左礼物，我收到好靓嘅银包，因为我本身嘅银包用左10年，磨到烂晒。」问到应该点称呼佢男友，胡琳话：「保持神秘好啲，佢唔想见报，留番少少私人空间畀佢，但我的出街都唔会遮遮掩掩，会正常拖手。」胡琳指现阶段最想搵个稳定伴侣。
