郑秀文情人节同张孝全宣传新戏 自爆最多生两个不介意女儿长得像许志安
发布于：2017-02-12 来源：太阳网
天后郑秀文(Sammi)今日现身《苹果》facebook live同网民倾偈，网民都踊跃留言。喺fb lve入面，Sammi提到自己元宵节同情人节都系同张孝全过，因为要宣传新戏。
话虽如此，不过网民同fans们都好关心Sammi同许志安(安仔)婚后生活，有网民就问Sammi几时生B？Sammi回应话：「如果我知道我几时生B都几劲喎！人系好多unknown(未知之数)，呢个交畀上天处理，o依家个心态冇以前百分之二百咁抗拒，要嚟就嚟啦。」
又有网民问，如果生左个女，样貌100%似安仔，OK吗？Sammi话：「OK！每个人个样都有可取嘅地方，(幻想吓安仔长头髮个样？)OK嘅，你会接纳佢嘅。你唔觉得每个父母都觉得子女好beautiful羊？」
咁Sammi想生几多个呢？Sammi话：「我就嚟更年期都到，如果生顶多两个，一个起两个止。」如果只可以生一个的话，Sammi就话生仔生女都冇所谓。
除左讲生B，都有网民问Sammi会唔会变怪兽家长？Sammi就话：「我冇资格评论，因为我自己冇做过父母，唔知个难处喺边。我自己觉得个教育制度令家长变成怪兽家长，某程度上佢的都系少少受害者。不过真系要攞到Balance，因为小朋友未必接受到咁沉重嘅学习压力，童年嘅快乐真系好重要。一个人嘅童年好影响佢将来。」
