李敏镐同全智贤拍完《蓝海传说》后赴泰国拍摄广告暖心关怀粉丝

2017-02-12太阳网 > 娱乐新闻 > 135阅读0评论

文章>文章> 李敏镐同全智贤拍完《蓝海传说》后赴泰国拍摄广告暖心关怀粉丝 135阅读0 评论

韩国「长腿Oppa」李敏镐同韩国女神全智贤拍完《蓝海传说》后，李敏镐都冇得休息，日前仲飞左去泰国拍摄广告。

由于李敏镐喺泰国人气好劲，所以所到之处都会引来一大群粉丝追访，而喺前日佢完成工作，准备返回韩国时，唔知粉丝系唔系担心冇乜机会见到Oppa，所以都倾巢而出去送机。

因为现场有数百粉丝逼爆机场，所以有逾10名保安贴身保护李敏镐，再加上警员嘅护送下，现场一早已筑好一条路等李敏镐离开，不过因为粉丝你推我撞关系，有一名女粉丝就唔小心跌倒，李敏镐见状亦即时停下来，原来佢想第一时拉起粉丝，以免佢受伤，但因为现场太多人，所以李敏镐无奈地喺保安嘅保护下匆匆离开，但李敏镐仍不时回望粉丝情况，得知粉丝可以站返起身后，佢先肯安心离开。

而李敏镐呢个小小动作就被粉丝拍下，亦喺网上公开，成为网民嘅热烈讨论，唔少网民都讚爆李敏镐嘅暖心行动，亦见到Oppa爱莫能助嘅无奈表情，大讚李敏镐系暖男。