EXO 2017年首场演唱会于亚博馆开唱 Kai大玩湿身诱惑伯贤、灿烈抢镜

2017-02-12太阳网 > 娱乐新闻 > 72阅读0评论

文章>文章> EXO 2017年首场演唱会于亚博馆开唱 Kai大玩湿身诱惑伯贤、灿烈抢镜 72阅读0 评论

韩国男团EXO噚晚开始，一连两晚喺亚博馆举行「EXOPLANET #3 – The EXO’rDIUM–in HONG KONG」演唱会，噚晚举行首场，成员都淮时7点现身开骚，又唱又跳足近三个半小时。由于系事隔一年多再次来港开骚，成员都劲兴奋，笑言开心到「癫癫的」。

EXO噚晚唱足近40首歌，包括人气歌《Mama》、《Wolf》、《Overdose》等。除左例牌嘅又唱又跳外，亦有Lay及灿烈表演弹结他、Lay孖Kai及世勋湿身哂舞技、狂讲广东话冧港迷等。

可能因为今次系EXO 2017年首场演唱会，成员Lay及Xiumin都自爆表演时有少少失误。而Kai除左湿身晒舞技外，又有着背心骚肌肉，连Suho都话:「Kai系咪好性感呢?因为佢好肋做运动。」

Suho又卖口乖讚粉丝啲韩文好肋，差啲以为系喺韩国开骚。不过就话粉丝淮备嘅英文应援灯牌「You are my only one」拎反左，睇唔清啲英文字，仲差啲以为大家咁早预祝佢生日。

伯贤就透露即将出新碟:「成员好用心地淮备专辑，请大家多多期待。」大陆成员Lay噚日讲多左广东话，佢话: 「因为我最近喺广州拍戏，所以学左啲广东话。如果我想你的嘅时候，我食菠萝油，如果我非常想你的嘅时候，我食两个菠萝油。」又开始广东话教学时间，教韩国成员简单嘅打招呼词语，不过佢都唔知Xiumin(金珉锡)嘅广东话点讲，于是行近台边问粉丝，但就讲唔淮，变左「金文色」。

演唱会去到尾声时，Suho话:「我的好开心，都跳到好似癫左咁。事隔一年再嚟，成员今日都癫癫的，大家都癫癫的，一齐keep住呢个癫癫的。」Lay就祝大家元宵节快乐同鸡年行大运，嚟个迟左少少嘅拜年。最搞笑嘅系Kai，佢喺成员讲野时唔见人，之后再衝返上台，笑住咁坦白话:「好急，唔可以忍到最后。」仲强调系小便，唔系去大。

世勋继续晒普通话:「今天开心吗？我也开心。今天好有意思。今天很累，我也疯了。身体最重要，知道吗，大家都听得懂吗？聪明。」粉丝就话系因为世勋啲中文厉害。临走前，EXO又预告今年会再嚟香港。

到EXO唱最后一首歌《你的世界》时，伯贤一直追住粉丝掟上台嘅精灵球公仔，又玩到瞓哂地。不过灿烈更出位，戴上狂人面具，成功抢镜。