熊黛林成功受孕做妈妈 百亿人夫郭可颂陪同去看平民中医
发布于：2017-02-12 来源：太阳网
现年36岁嘅百亿人妻熊黛林（Lynn），去年10月嫁郭可盈弟弟郭可颂，之后成日都俾人见到佢为头家打点，咁好嘅老婆，今日系元宵节，后日又系情人节，唔知两公婆准备左羊活动庆祝呢？婚后赶造人嘅Lynn，日前由老公陪同现身上环「妇科圣手」，人称「吉叔」嘅中医师刘逢吉，被读者陈小姐透过「爆相爆片」分享，而老公郭可颂全程小心翼翼扶实Lynn，绝对有可能一击即中有左BB。
陈小姐喺电话表示：「嗰日大约5点，见到佢的行入去药材舖睇中医，老公扶住佢，同行仲有一个女人。」问到点解觉得Lynn系怀孕呢？陈小姐话：「因为见到老公好细心扶实佢，Lynn又戴晒口罩，但个样唔似病，医师系咁同佢的讲野，又教佢的煲药，见佢老公好似好开心，唔知系咪真系有BB呢。」
之后Lynn一行三人去日本城，陈小姐见到佢的入去买药煲，然后再返药材舖攞几剂执好嘅中药，医师再同佢的倾左一阵，之后佢的就上车走。问到呢位医师系咪妇科圣手？陈小姐话：「我唔清楚，都系第一次见到Lynn，自己平时嚟买野啫，但见到好多人排队，都有一两个大肚婆，应该几出名。」《苹果》向Lynn求证系咪成功怀孕？但截稿前未有回覆。
婚后积极想生B嘅Lynn，一直有调理身体做好准备，鸡年愿望仲系生B㖭，之前个肚迟迟冇动静。
Lynn曾经同Angelababy讨教生仔秘方，点知Baby咁答：「怀孕好简单！」叫佢要放鬆啲，唔好咁大压力。早前Lynn出席活动，被问到佢阿嫂最近生左龙凤胎、咁佢想唔想诞孖B？Lynn笑笑话：「我唔知道有冇咁好彩，可以一次就搞掂，但生孖胎好辛苦，仲要先换间大啲嘅屋先。」
