《神的礼物14天》将改编为美剧 李宝英池晟获封娱乐圈最佳模范夫妻
发布于：2017-02-10 来源：太阳网
于2014年播出、由李宝英、曹承佑主演嘅韩剧《神的礼物14天》喺播出不久后已获得荷李活嘅垂青，并于前年确定会翻拍成美剧，直到去年12月，美国ABC台就宣佈会将《神的礼物14天》改编成美剧《Somewhere Between》，暂定10集，预计今年夏天有得睇。
《神的礼物14天》系讲李宝英饰演痛失女儿嘅妈咪，李宝英返到去女儿出事前14日，喺呢14日内佢为救女儿而不惜一切嘅故事。美版《神的礼物14天》将会由电影《职业特工队：鬼影约章》（Mission：Impossible─Ghost Protocol）嘅女星保娜柏顿（Paula Patton）做女主角，男主角方面就仍在物色阶段，剧集下月喺加拿大温哥华开拍，6月喺ABC全美播出。
另外，李宝英同老公池晟出名系圈中模范夫妻，佢的近日喺一个网上调查中，成功获选为最近十年内圈中嘅最佳模范夫妻，排第二位至第五位就分别系元斌同李娜英、Rain同金泰希、刘在锡同罗京恩、张东健同高素荣。而最令人意外嘅夫妻就由裴勇俊同朴秀珍得第一，第二位至第五位就分别系李孝利同李尚顺、苏有珍同白钟元、李秉宪同李敏贞以及韩惠珍同奇诚庸。
