李嘉欣大刘同日现身 李嘉欣回应旧爱刘銮雄赠The ONE给甘比
发布于：2017-02-10 来源：太阳网
今日大美人李嘉欣出席活动回应旧爱刘銮雄赠The ONE予甘比，令其晋身香港女首富之列，李嘉欣表示：「er……冇留意呀真系，讲真。好忙呀！点样呢？」笑笑口拨头髮，又表示心中富有最紧要。
咁岩，真系咁岩，下午四点半左右，身穿睡衣嘅大刘由甘比陪同下现身养和。大刘戴上口罩，拎住拐仗现身，边行边捉实甘比。戴上黑超掩素颜嘅甘比就拎住J.Lau专用环保袋，由4名保镳护送入内。至傍晚6时40分左右，大刘两名保镳拎住一大袋野同保温箱入养和，暂未见大刘离开。
至晚上9时10分左右，甘比扶著大刘离开养和，由保镳护驾下离开。问及大刘身体如何，及李嘉欣今日现身恭喜甘比做香港女首富等等，大刘夫妇俱未回应，就登上大刘专用CC1房车离开。
