404错误
How China aims to take over Hollywood？
令人憷目惊心的标题。
接管荷李活喎!
大国掘起，以大陆依家嘅财力，不是梦。
标题如此有攻击性，内文就是How China Is Remaking the Global Film Industry——中国如何重塑全球电影业。其实一切都只系过程问题。
呢个系本月6号《时代》（TIME）杂志亚洲版封面，封面人物系范冰冰。今次亦系继王菲、巩俐、章子怡等演员之后，相隔9年再有华人艺人登上《时代》封面。文中以「中国最知名的女艺人」介绍范冰冰，更称其一双水汪汪大眼「有如从卡通片走出来的公主一样。」
范冰冰去年拍摄多部电影，包括《我不是潘金莲》、《爵迹》以及与成龙合演的《绝地逃亡》，入围金马奖最佳女主角，仲系多个国际品牌如 L’Oréal, Louis Vuitton同Cartier代言。冇人识大陆依家有乜野演唱唔紧要，《时代》称，依家荷李活仰赖的，是大陆市场。举个例，范冰冰当年「硬插」于《铁甲奇侠3》，有大头，反只限大陆上映版本先见到佢，国际版就冇。点解要咁做？为左大陆动辄几十亿嘅票房。
文章指，大陆电影近几年发展蓬勃，去年更创下逾457亿人民币票房，有值得得荷李活效法之处，更指大陆市场嘅票房，迟下就可以超越北美。(扣除左幽灵场次同水份票房未？)更指荷李活电影能否回本，都好靠大陆票房，因为大陆市场真系太大。
《时代》文中亦有提及一例子，就系大陆投资者大举入侵，美国嘅工作室都会慢慢配合大陆嘅标准，有啲题材会成为禁忌，例如西藏嘅问题咁，文中有提及批评者提出嘅一个问题做例子，就系《奇异博士》入面嘅古一，点解会由原作嘅西藏男人，变左做由泰达史云顿（Tilda Swinton）嘅白人女人演出。
题外话。荷李活近年被大陆投资者大举入侵，多套大片由演员到植入广告都渗透不少「中国元素」，就连《铁甲奇侠3》要加入大陆影帝王学圻、范冰冰仲又拍埋《变种特攻：未来同盟战》（X-Men：Days of Future Past）、《天煞地球反击战》（Independence Day）亦有Angelababy同「蒙牛牛奶」大特写，仲有《侠盗一号：星球大战外传》（Rogue One：A Star Wars Story）嘅姜文拍住甄子丹担任重要角色。
2016年前三个季度，中国对美国电影业嘅投资激增至37亿美元（约288.6亿港元），其中一个主要原因就系中国首富王健林旗下嘅大连万达集团收购左北美第二大院线AMC。于是Rick Berman就喺洛杉矶日落大道上整左个「中国红色木偶（China's Red Puppet）」字样嘅大型广告，话俾大家知，「共产主义收购美国电影」。
How China aims to take over Hollywood？
真的不是梦。
普通文章
推荐
普通文章
404错误
热门的新闻
普通文章
404错误
