李多海担任《人生酒家》嘉宾 大谈男友东旭SE7EN
发布于：2017-02-04 来源：太阳网
现年32岁嘅韩剧《大话妹》女星李多海，去年9月被爆同32岁男歌手SE7EN由多年好友昇华为恋人，随后两人大方认爱，目前稳定交往近1年，李多海日前担任tvN综艺节目《人生酒家》嘅嘉宾时更大谈男友，公开放闪。
虽然节目喺前晚先播，但节目组于上周已经率先公开预告，当时李多海更讲到「如果只系同佢保持朋友关系，我惊之后会后悔」，认真甜蜜，而节目正式出街后，发现李多海更大方提到同SE7EN拍拖嘅细节。
李多海于节目表示：「虽然拍拖前我同SE7EN系朋友，但其实我同佢唔系特别熟，私下都唔常联络。有一晚我的嘅共同朋友打电话嚟，话同SE7EN饮紧酒问我出唔出去，我当时都有啲唔情愿。」又称自己同其他人一样，当时因为SE7EN当兵期间疑揼邪骨一事，对SE7EN印象唔好，续指：「但兴幸嘅系我都系艺人，可以理解佢嘅烦恼，并慢慢开始了解佢。」
之后李多海又讲到恋情曝光后，自己当时好淡然，但SE7EN就好慌张：「佢一直问要点回应，系目前互有好感，定互相了解阶段，SE7EN比较担心我，所以更加紧张，不过反而因为佢系歌手，所以我更担心佢，东旭(SE7EN本名)属于我，但SE7EN唔属于我。」认真Sweet。
