65岁陈勳奇患甲状腺未分化癌体重急跌至102磅

2017-02-03太阳网 > 娱乐新闻 > 148阅读0评论

文章>文章> 65岁陈勳奇患甲状腺未分化癌体重急跌至102磅 148阅读0 评论

2014年，导演陈勳奇(Frankie)爱女陈杏研(陈开心)跳楼自杀，经过3年时间，65岁陈勳奇终于走出丧女之痛。但今日有报道指陈勳奇患上癌病，身在上海嘅陈勳奇，今日接受《苹果》电话访问时，亲证自己患上罕见及高度恶性嘅「甲状腺未分化癌」，抗癌一年嘅佢，表示自己休养同康复当中。

陈勳奇接受访问时，声音沙哑，佢话旧年新年后发觉把声有问题，走去做身体检查，先发现有癌细胞，陈勳奇话：「做完手术切左癌细胞做左放射治疗，o依家都一年，身体好返好多，不过把声仲未得。」陈勳奇话自己体重多年嚟一直维持140磅，但患病期间，试过最低去到102磅，好似皮包骨咁，o依家就升番上108磅。

纵使顽疾仍未完全康复，但陈勳奇话下个月等自己身体再好啲，就会拍一套有31名模特儿嘅PK战电影叫《美丽战争》，佢话：「已经训练佢的唱歌跳舞，到时宣传你的就会识佢的，我会做导演、监製同编剧。」淮备全面复出嘅陈勳奇话年底会开拍一套中国版《狂野时速》：「呢套我都会演出，不过都系做返啲老人家角色，主打都系12位小鲜肉，个个都有8 o旧腹肌。」

大病初愈嘅陈勳奇讲起工作依然眉飞色舞，佢仲话今次个病，令佢好多体验，学晓左好多医学常识，佢话：「今次接触到一种好新嘅色彩治疗法，同识左好多医学界嘅人，大陆有套叫《舌尖上的中国》介绍食，我会拍一套《宇宙密码》，介绍全世界嘅中医同西医学。」佢话近年好多行家都因为癌症走左，佢希望将佢试过呢种疗法推广畀内地同香港人，帮到有需要嘅人。