撇甩发烧Alex 大肚婆吴若希约星梦帮避菌
发布于：2016-12-29 来源：太阳网
因为男友不听话，就算粗身大细都嬲到要离家出走，无他嘅，呢个女人都系为左肚入面个BB着想啫！
佢系边个？咪吴若希萝！前晚吴若希话男友Alex作病，但唔肯食药，怕左传染影响到BB，吴若希选择离开屋企，虽然佢讲笑咁讲话去左保护儿童协会，但实情系好体贴咁买到成张床都系药品，感冒药、退热贴、口罩、维他命、血压计、肛探体温计、暖包……总之乜都有啲啦（新闻连结： http://bit.ly/2iHg0Vp）。
Alex要养病，都要有人睇住大肚婆嘅。吴若希星梦帮好友谭嘉仪之前喺新城颁奖礼拎左新人铜奖，近日出新碟，噚日吴若希大住个肚，同郑俊弘、何雁诗、许廷铿、胡鸿钧同谭嘉仪一齐敍旧。
几位女士明显约好左着粉红色衫，不过吴若希就遮唔住个肚，大合照时有捧住个肚影相，佢贴相上Ig嘅时候仲留tag话「我有节目啦」，睇嚟呢位大肚婆行动不便，圣诞冇乜出去玩喎。
