伍咏薇要看何B仔 陈敏之：变态大姨妈
发布于：2016-12-26 来源：太阳网
21号冬至，陈敏之生左囝囝「雷冬至」，噚日就喺养和出院，不过佢唔想BB吹亲，所以就冇带BB见传媒。
噚日陈敏之出院时接受传媒访问，有讲到「大姨妈」伍咏薇，陈敏之话：「唉，我呢个家姐(伍咏薇)好变态呀，话要除左BB条裤俾佢，佢话要掂吓佢，祝福佢。不过，其实事前我都应承左家姐话会俾佢第一个见BB个『何B仔』，但系点知佢要掂埋，要祝福。不过冇所谓啦！」
另外，讲到伍姑娘之前送左一隻玉镯俾BB，用作定惊之用，陈敏之都好多谢伍姑娘。佢话：「BB仲细，仲未戴得稳喺隻手到，但系有次BB捉住，然后一郁，隻镯就穿左落手仔到。」敏之仲话当时伍姑娘见到都大嗌，当系俾佢嘅一个回礼，伍姑娘都好开心！
