小猪开骚化身DJ打碟 女歌迷企凳high爆劲扭腰
发布于：2016-12-26 来源：太阳网
「台湾舞王」罗志祥(小猪)一连两场《2016罗志祥SHOW CRAZY WORLD》噚晚喺亚洲博览馆举行。演唱会当然唔少得小猪劲跳热舞，同大唱情歌冧fans，不过佢讲嗰啲半咸淡嘅广东话就引发唔少笑料，当中佢就问观众：「相信有很多人是首次来看我的个唱，希望大家喜欢我的表演！」小猪讲「希望」时，就不断讲「海望」，搞到台下观众笑到碌地。
而现场亦特设有小猪肖像嘅大银幕，当摄影机影到台下歌迷时，歌迷就可以锡锡偶像。临到尾声，小猪有一part变身打碟DJ，将现场气氛推至顶峰，有女歌迷甚至企上张凳上扭腰跳舞，十足置身Disco当中。
以往小猪开骚，梗有一part系同女Dancers跳辣身舞，但噚晚就完全唔觉有呢一个环节，唔知封左盘嘅小猪，系咪惊俾女友周扬青扭耳仔呢？
