吴廷烨为什么不出名 吴廷烨结婚了吗 吴廷烨主演的电视剧有那些
发布于：2019-04-23 来源：太阳网
更多娱乐、时尚搭配资讯 请关注爽报（微信公众号rmlvgl ）
58岁吴廷烨演黑帮杀气超入骨 半山搬公屋照顾93岁母！
《铁探》中，悍匪山狗（林伟饰）被击毙后，剧集即刻有新角色加入，就係由吴廷烨饰演嘅幕后大佬营长！入行多年嘅吴廷烨于剧中杀气登场，非常瞩目！然而，现实中嘅佢其实係个超级孝顺仔！
现年58岁嘅吴廷烨原来同梁朝伟丶周星驰及吴镇宇係同期TVB艺员训练班出身，虽然时至今日其发展唔及三位影帝，但至少入行至今所演出过嘅角色无数，工作长做长有，而观众对佢亦有深刻印象！
最近係《铁探》出场嘅吴廷烨演黑帮头目，一出场就有唔少大头特写，其中喺暗黑房间入面几个抽烟镜头，最为突出，皆因即使零对白、只係吞云吐雾，再加上凶恶眼神，已经完全演活出黑社会大佬嘅慑人气势！
据知，今次係吴廷烨事隔36年重返TVB拍剧，之前佢就去过亚视发展，之后再离开亚视决定北上闯一闯，结果咁就十几年。喺亚视期间，吴廷烨参演过《洪熙官》、《精武门》及《法网群英》等剧集，而角色获得观众喜爱！
不过，讲到最印象深刻嘅就紧係1998年拍摄嘅《我和殭尸有个约会》啦！《我》中，吴廷烨饰演殭尸「堂本真悟」，而且仲与饰女殭尸「山本未来」嘅张文慈有感情线！
据知，张文慈更曾经公开表示：「如果第时大家都未结婚，可以考虑一齐！」吴廷烨亦表示对张有好感！当时有情者透露：「Pinky(张文慈)同寿仔好friend，以前拍剧，收工梗送Pinky返屋企，但因为大家都唔主动，又惊冇咗呢个朋友，所以冇行多一步，但佢哋依家仲keep住联络，好关心大家！」
直至2004年，张文慈遇上交通意外，吴廷烨就咁啱经过救人，Pinky其后公开答谢对方帮忙，而男方反笑言：「希望张文慈可以相伴一晚。」不过之后Pinky重申，二人只是朋友关係，虽然一直有保持联络，但从来冇拍拖，亦知男方只想照顾年长嘅妈妈，所以选择唔拍拖搵女朋友！
讲起吴廷烨妈妈，原来已经年届90几岁高龄，加上视力唔好，所以为咗方便照顾妈妈，吴廷烨放弃原本租住嘅半山大屋，特意搬到公屋同妈妈同住，一有时间就会煮饭畀妈妈食，而吴廷烨更曾坦言：「以前佢照顾我，依家我照顾返佢！」，认真係一位孝顺大暖男！
吴廷烨搬返去黄大仙凤德村公屋，唔使工作，就会返屋企陪老人家。然而，作为公众人物，面对热情街坊时，佢亦会带上口罩先至出街，虽然都会被认出，但吴廷烨就笑称无所谓，因为自己又唔係super star！
吴廷烨同梁朝伟係无綫第11期训练班同学，两人亦因此成为老友，经常揽头揽颈，至今仍不时相约叙旧。曾有指吴廷烨遇上事业樽颈时，梁朝伟就主动喺多部电影中推荐佢参演部分配角，例如《无间道》嘅张Sir和《大魔术师》嘅托子，相当唔话得！
由电影《无间道》拍到去电视剧《无间道》，吴廷烨都係做张sir ，更是电视剧骨干人物，同罗嘉良及罗仲谦都有唔少对手戏。吴廷烨喺电影《无间道》演高级督察，同刘德华、黄秋生拍住演出，大家一 定记得佢都有正气凛然一面！
想要了解更多八卦，时尚穿搭，时尚行业最新动态请直接扫码关注爽报YesDaily 公众微信号： rmlvgl ；
分享更多全球最新娱乐资讯。
