刘小慧与苏志威的婚姻最新情况 刘小慧为什么退出娱乐圈
发布于：2019-04-06 来源：太阳网
更多娱乐、时尚搭配资讯 请关注爽报（微信公众号rmlvgl ）
退出娱乐圈廿多年、有「学生情人」美誉的刘小慧，冇预警之下宣布「复出」开Live做「吹神」！她自揭不是玉女是烈女，与苏志威的婚姻幸福美满，扬言若发现老公出轨，会立即斩缆零容忍，贯彻烈女性格。
九十年代凭清纯可爱形象风靡万千少男的小慧，自下嫁草蜢成员苏志威后便退出娱乐圈，专心相夫教子，并育有两名爱女，家庭幸福。日前她突然于社交网预告今日下午开Facebook Live，分享生活经验，又会教网民去特别的食肆食好西，又大卖关子自揭另一外号「得閒修女」的由来，引来大批Fans留言嗌期待！小慧接受本报访问时透露，「复出」希望颠覆大家对她的形象︰「我人生完全冇Schedule，话退出就退出，突然想出嚟见人就开Live，以前唱歌畀『玉女』框死咗，其实我係『烈女』，好锺意同人分享，小至家居用品、大至点样去拎到个代理，中医都得，三九唔识七都可以吹一大餐，我直情係『吹神』﹗」
退出娱圈廿多年，一家四口生活美满，她大讚老公苏志威超过一百分︰呢个老公冇得顶！畀好大自由度我之外，我做每一件事都好支持。（怕唔怕老公被花花世界蒙蔽而出轨？）以前会谂都係无鬼聊，我对自己有信心，有时知佢去应酬打畀佢都係惊佢醉啫，担心多过怀疑。就算有女公关一齐坐低，我都冇担心过，同埋依家啲狗仔队咁劲，咁多人帮我Mon住，你都够薑做，好嘢！」小慧更「烈女」上身：「如果有一日段婚姻係我要容忍嘅话，Sorry，我一定会斩断囉！」
至于一对爱女，小慧会让她们自由发展，大女苏君荞正留日拜师学艺做甜品，而细女苏靖珺则迷上韩星BTS，上网学跳舞，回家跟擅长跳舞的爹哋研究舞步：个女会讲唔係咁样跳，个用力点唔喺呢隻脚度，仲话爹哋都跳唔到韩星嗰啲舞，个人要够轻身。认真爆笑！惟欢笑背后，细女曾经历读名校压力大到头痛，令小慧心痛：之前佢读书有啲吃力，係我强加咗畀佢，一去补习就话头痛，有次仲喊晒话前额好痛，就知呢个係警号，即刻同佢转校，依家佢嘅学习态度轻鬆好多，一提起学校就眉飞色舞。」
挑机司机搞到报警
细谈「烈女」进化史，小慧自嘲性格贪玩，1996年成功考牌做「铁骑士」揸重型战车，碍于当年要捍衞「玉女」形象，只好一直戴面具做人，不过「烈女」好容易原形毕露︰「以前着灯着得好快，记得有次喺尖沙咀，有个职业司机话我拦住佢泊车，一嚟佢唔礼貌，我又用啲唔係几好嘅语气去回应，令件事恶化。（点收科？）冇收科，我咪叫警察嚟囉！但其实如果当时讲句唔好意思，件事就唔会发生。」
想要了解更多八卦，时尚穿搭，时尚行业最新动态请直接扫码关注爽报YesDaily 公众微信号： rmlvgl ；
分享更多全球最新娱乐资讯。
