【轮证赢家】恒指再战50天线
上个星期四(12月7日)恒指触及100天线之后反弹，上星期五出现一个较为明显慨升势，到今日依家10点5分开恒指日线图见到暂时最高位做过28798点，高过条50天线(28783点)15点，战友Jack比我慨资讯系：大象加油；开埋报价机睇，系㖞，汇控(00005)so far升逾2.5%，而其他慨都只系0.x%。
虽然要抢高返个市，揾企鹅腾讯(00700)同平保(02318)出嚟升慨话，就真系十拿九稳慨，但系又真系无可能日日都单靠呢两只嘢架嘛，铁人同股王都系一样会攰架，只可惜只大象就真系无企鹅同平保慨推升值咁高慨，依家10点15分，print完vendor啲invoice再签多个名之后，恒指升幅由头先见过升过百点，变到依家升83点。拆开5分钟睇恒指图，原来开市到依家，恒指喺条100分钟线(5 x 20线，10点17分见28658点)筑咗个“圆顶”出嚟，不过见下方慨技术指标，例如14RSI同MACD，由今朝慨高位向下行，惜目前处于中轴水平，就连敏感度较高慨SlowSTC(14,3)慨%K线同%D线都走势差不多，咁即系话个市真系仲有得向下走多少少？又即系佢喺日线图上会同条50天线继续保持距离？
开恒指牛熊证街货图睇，依家10点23分，恒指做紧28682点，升42点。下方牛证最贴价慨系28100至28199点，呢度有相当于505张期指，同现价比较慨话，同现价有582点距离。再向下数多100点慨话，即系踩到落去28000至28099点，哗！呢度有1016张期指，真系不得了啦！如是者若然大市由依家向下行682点慨话，就可以食到1521张期指。的确系有吸引力慨，但公平起见，望埋熊证先啦。
上方熊证最贴价慨系29000至29099点，有相当于287张期指，同现价比慨话就有417点慨距离；同样地比多100点向上行，即系29100至29199点呢度，都有成958张期指架，两个范围加埋慨话就total有1245张期指。
向上行就点数少啲，但就食少啲；向下行慨话就点数多啲，不过又可以食多啲㖞…一路打稿一路闻到唔到边个同事食紧餐肉面，香遍整个office系重点，更重点慨系小妹今朝未食嘢，饮完杯咖啡就冲咗出门口，饿住原来真系谂唔到嘢，更何况呢啲又系咁中间位慨情况，都系揾啲嘢食先，个市就…上得返同企得稳条50天线再讲啦。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
