【轮证赢家】收炉
㖊日恒指高开之后走势唔多好，不过见到恒指牛熊证街货图同日线图上慨技术分析，估计大市似乎想向上行；一旦如是的话，就分分钟出现一个“V”型反弹，于是一如以往慨入市策略，吼恒指5分钟图见超卖时就入牛证，而㖊日的确有三个时间出现过，包括朝早10点5分、11点5分同埋下昼1点45分，之后就再无见过超卖慨Good Timing啦。
入唔到慨，依家10点22，见到恒指跌逾300点应该会大嗌好彩买唔到；买到慨都唔使唉唉声慨，见今朝个下跌裂口无走人，谂住博裂口下挫完之后，因技术指标出现严重超卖而作技术反弹，继而打算到时先至放走住水牛慨话，坦白讲喺9点55分时见到恒指再上返去29005点时，但5分钟图上慨SlowSTC(14,3)弹唔起都估到应该伏咗。都系嗰句：输唔紧要，知道自己输乜先至重要。
临完2017年都要交多次学费都算，反正都唔系大注(小妹有几何叫人大注买、瞓身赌架！)，沉住气再开返恒指牛熊证街货图睇，依家10点26分，恒指现价28856点，下方牛证最贴价慨系28700至28799点，呢度有相当于328张期指，同现价比只系争156点咋；如果再落多100点慨话，就到咗28600至28699点，呢度有相当于1072张期指，对于大户嚟讲，或者呢度就系佢哋开Christmas Party慨大餐。
至于上方熊证，最贴价就系29300至29399点，呢度有相当于23张期指，同现价比较慨话就相差成543点；虽则系29400至29499点系重货区，呢度有相当于863张期指，但再ontop加多100点慨话，就变成有643点距离，如是者两边秤，又似乎大市向下行着数啲㖞。
再睇埋恒指日线图，20天线(29203点)得而复失唔紧要，反正失慨距离都比较远；而下方慨10天线(28816点)同50天线(28856点)，虽然未输到落10天线呢个位，但见到“死亡交叉”兼破埋条“短期上升通道”呢。
“咁系咪买恒指熊博个市向下屈呀？”坦白讲，又唔系话唔得慨，只系问题在于咩事又穿埋条10天线啫。若然有心谂住玩埋下个星期慨朋友，咁系可以小注一试慨；否则大家Happy Friday 咪算啰。
小妹决定今年做埋今日就收炉，事关年年12月个市都真系静到拍乌蝇，再加上呢啲咁慨天气，真系唔多愿起身返工(就咁起身都唔系好想啰)，所以唯有系度同大家讲定声Merry Christmas and Happy New Year！明年2号见！
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
