马国明偷咀契妹唐诗咏夏文汐自觉同黎诺懿姐弟恋好Match城城隐私外泄
今日快报
趁黄心颖外游 马国明偷咀契妹唐诗咏
艺人马国明与郭晋安为无线新剧《白色强人》拍摄外景，二人大热天时分别穿上整套西装及皮褛，频呼好热！
马国明透露最近都在拍摄手术室戏，直言觉得复杂，指五月中就会到深圳拍外景，他更自爆日前与契妹、剧中女友唐诗咏拍咀戏，他即被笑指趁正印女友黄心颖去旅行才拍亲热戏，他说：“又唔系我排慨。（同心颖备案？）做嘢唔使同佢交代啦！”马国明指诗咏是虽然是他的契妹，但拍摄时并没有尴尬，更指二人合作多次，今次是第二次咀对方！谈到心颖在社交网站上载一张穿比坚尼的背影照，马国明说：“冇睇呀！（有传正面照畀你？）唔知㖞！睇吓手机先，拍紧嘢未得闲！”
郭晋安相隔多年再度与马国明合作，大赞对方变得成熟。问到拍剧会否少时间陪伴仔女？他透露仔女曾试过返内地探班：“之前拍《再创世纪》有上嚟大陆探班，个仔就赞啲外景饭盒好食，个女就赞我拍剧造型好靓仔！”更透露暑假会与太太欧倩怡带小朋友去旅行。
曾患乳癌！林淑敏希望活到80岁
林淑敏出席“维特健灵”母亲节活动，曾患乳癌的她现已康复，她表示：“过咗7年喇，依家保持每年验身一次，我本身又有跑步，愿望系活到80岁。（老公陪你跑？）佢话跑10分钟见晕、半个钟见呕呀！”谈到这个品牌先后邀得影后及视后担任代言人，林淑敏坦言：“咁我全冇压力慨，唔会以得奖为目标，我只系享受演戏慨过程，不觉我觉得毛舜筠好劲，系个好好慨学习对象。”
经历“爷孙恋”！何傲儿恨拍拖首选圈外人
艺人何傲儿（Lily）近年强攻内地北上掘金，去年离港多月拍摄大陆电影及剧集，并与内地人气花旦唐嫣合作，成绩蜚然。她称今次剧集最难得是可以用回自己的国语原音，不用配音，她笑言﹕“见导演慨时候我同佢讲我会练好普通话，佢叫我唔好练，佢就系钟意我有广东人慨口音，大家听完都笑咗。我一直有学国语，但要真系喺当地生活先可以学到当地潮语同日常用语，我一般听系冇问题，但我听唔明是非，因为佢哋讲得太快喇！”事业发展不俗的Lily，快将踏入30岁关口，她坦言现时女艺人都流行晚婚及迟生小朋友，所以对婚姻大事并不焦急，反而想趁这段时间在事业上冲刺﹕“我今年畀自己一个目标，希望可以拍到一部古装剧就好。”
Lily自认在温室中长大，做艺人之前从未打工，去年独自在地外打拼令她成长不少，而爷孙恋的新闻亦令她变得坚强﹕“因为呢啲经历先令到我成长，我觉得自己比以前系坚强咗，有更强慨心理质素先可以做到艺人。”她坦承当年因此事而暗自抑郁，但在人前却要逞强﹕“我唔识表达自己，有心事都唔会同人哋讲，我怕同人讲咗第二日会喺报纸出，又会谂朋友冇必要听我讲咁多唔开心慨嘢，因为佢地有佢哋慨嘢忙，但好在家姐永远系我慨树窿。”
谈到感情生活，Lily虽然想创一番事业，但当爱情来的时候，她也会大胆接受﹕“就算好集中工作，如果啱慨话都会feel到，我都想拍拖。我觉得对象最好系圈外人，好似安全感大啲，最重要系真心相爱，坦诚相对。（有冇择偶要求﹖）要识关心我，沟通到，可以花时间陪到我，我唔钟意收收埋埋，要真诚。”Lily自言近年也遇到不少追求者，以前总是很快下定论，现时会学懂花时间观察﹕“我拍拖次数唔多，以前觉得啱就啱，唔啱就唔啱，好靠第一个印象，但我发觉其实系需要时间观察，唔急慨话，花多啲时间了解对方，都唔系一件坏事。”
夏文汐自觉同黎诺懿姐弟恋好Match：我Keep得好好
夏文汐（Pat姐）同黎诺懿喺《逆缘》里面慨终极忘年恋真系好引人入胜，最近两集癌病复发慨诺懿病情愈嚟愈严重，到寻晚诺懿就终于顶唔顺，要求Pat姐抆走佢个氧气罩，而Pat姐亦喊住送老公一程，最后更献上告别之吻，场面真系好令人动容。不过，一直以来都有观众话呢Pair情侣有啲重口味，但Pat姐就觉得成件事其实好靓，佢接受访问时就咁讲：“好Match㖞！年纪从来唔系问题嚟，最紧要系思想夹。依家咩年代呀，唔系仲咁落后呀？有几个明星慨老公都细过老婆好多啦！”
讲到原来系Pat姐“钦点”黎诺懿演佢老公，佢就话：“无论系外型、高度都好适合呢个角色，其实仲有几个选择慨，但系都系佢最好。其实好多方面慨嘢我都有份畀意见。”讲到7年前佢同陈伟霆拍慨《出轨的女人》又系姐弟恋，之前又有人话佢恋上小鲜肉，问今次慨姐弟恋系唔系佢出慨主意，佢笑住咁答：“你以为我真系姐弟恋上瘾呀？其实都系角色需要啫，同后生仔吸引嘛，咁我都Keep得好好吖，点算重口味？如果真系重口味，《出轨的女人》重口味好多。”
好多人都话拍TVB剧好辛苦，问Pat姐点解会肯接呢个角色？佢就话其实TVB好就佢作息时间，每日都起码有7、8个钟瞓：“肯接最主要系因为剧本好正，同乐小姐（乐易玲）识咗好多年，有一次返咗香港High Tea，佢就问我拍唔拍剧，到我同监制（王心慰）倾完，佢就话可以为我度身订造个角色。我同个角色好吻合，又系明星，又系为咗感情而息影，都系80年代尾退出，所以可以话今次慨演出系缘分嚟。”又指自己好开心可以同黎耀祥、林夏薇等合作：“我喺美国时成日都煲祥仔慨剧！好开心可以跟佢学嘢。”
城城隐私外泄 车行地产狂抽水
昨日在社交网有疑似城城申请有关车牌慨表格资料流出，就连被指系证件相、同埋签名式样都曝光。消息指城城喺4月26日喺珠海车管所办理车牌，仲话佢买埋楼。东网记者就揾到城城经理人小美回应，不过佢当时身在加拿大，直至今日小美就回复东网：“有关城城之证件照及其他资料被胡乱刊登，当然很不快和不满，因为绝对是侵犯其隐私。我只能说，城城日前只是去处理一些驾驶执照上的事宜，至于网上胡乱的报道，均是一些浑水摸鱼之徒缺德的创作，不想回应。”
?转载授权微信：lama129
? 商务QQ：3004269083
长按识别二维码关注
