HeHe定父女恋？贱男Nic唐文龙怪自己太奄尖
喺《溏心3》，唐文龙系贱男Nic，同陈敏之有连场出轨情欲戏。但现实中，文龙真系绝顶好男人，唔少人都赞唐文龙高大靓仔、身材健硕、成熟稳重.....有美国绿卡，曾于纽约流行设计学院Fashion Institute of Technology攻读女装设计艺术学士，就连绯闻情人刘永健都赞佢系“暖男”。
咁慨条件，但唐文龙到咗48岁都系冇女朋友，究竟衰乜呢？唐文龙日前接受专访时，自爆三大“死因”﹕
一.太奄尖
二.穷
三.事业心太重
唐文龙轻叹﹕“我唔系enjoy一个人，系习惯一个人。again，唔排除有好缘分，但唔会刻意追求。”
唐文龙传完同刘永健hehe，又传与黄文意搞父女恋，似乎冇一段正常关系。佢扁晒嘴咁话﹕“都怪自己奄尖啦，以前喺内地有个女朋友，但成日两边跑，自己喺大陆建立咗工作基础，但香港又想有，唔容易认识一个人配合到我，又要乎合我奄尖慨条件，咁不如清清地先。”
宁愿传hehe定小妹妹？文龙好无奈咁话﹕“冇得宁唔宁愿，唔想对文意咁，平复咗唔想欺负佢。(一齐庆祝生日，真系冇拍过拖？)冇，正常朋友，正常去大屿山，正常食饭，有啲人话掩眼法，大家在心中知道啦。而永健系洪拳师傅个仔，唔使解释。”
唐文龙喺娱乐圈逾20年，跌多过起，住过㓥房，几年前银行户口都系得4位数，亦曾经被女仔嫌穷。但佢话穷都要穷得有骨气，“因为我自尊心好强，同女仔出街我一定要俾钱。如果我结识一个好有钱，都要跟我去食茶餐厅，唔系强迫人配合我，但同样唔系要黐佢，我唔系咁慨人。”佢直言父母一直有催婚，佢尴尬咁话﹕“哥哥都系两、三年前结婚(自己笑咗)，依家都未有小朋友，老人家梗系想抱孙啦，我都钟意小朋友，但都担心自己无命生。(家燕姐想撮合你同佘诗曼㖞？)哈哈，大家系好兄弟好朋友，佢仲系我兄弟慨绯闻女友，总之佢份人真系好nice。”
?来源网络
? 商务QQ：3004269083
