疑似马云抱女嘴嘴片疯传 阿里巴巴有什么讲？
发布于：2017-09-21 来源：太阳网
一段只得几秒嘅片段，近日喺香港财经界疯传。片中有一位疑似中国首富马云，需知道佢外型突出，冇人唔认得。场景系喺一间类似夜场或KTV嘅地方，呢位疑似马云嘅型男，以一对强而有力嘅臂弯，将美女纤腰揽到实一实，下身就跟随音乐强劲节拍不停左右、左右咁摆动，最后呢位貎似马云嘅型男，仲亲左美女一吓嘴嘴。市场仲流传，马云系去澳门夜场度玩，留低呢段珍贵片段。
不过...各位咪跟车太贴，记者上网翻查类似片段，发现最早喺嚿年，呢段片已经喺内地开始出现，只不过，经过网络管理员嘅一番努力，删吓删吓，呢段片嘅来源所剩无几，亦冇大肆疯传。去到近日，失惊无神有人喺YouTube旧片重share，虽然香港财经界人物普遍见惯大蛇痾尿，对于疑似马云嘅风流片段，难免哗哗声，大家开心share一番。
对于上述片段，阿里巴巴集团发言人回应指，相关视频中的男士并非马云，该视频早于去年已在网上被恶意传播，这也不是他第一次被人假冒。
究竟系咪马云？小记就觉得，片中人唔系马云，但一定系外星人。
相关文章
